Канадын Торонто хотноо TIFF 2017 кино наадам болж байна. Хэдэн арван од, 250 кино цугласан тус кино наадам олны анхаарлыг гойд татжээ. "Оскар"-ын өмнөх сорилтод тооцогддог тус наадамд энэ удаад онцгой олон од цуглалаа.
Анжелина Жоли зургаан хүүхдээ дагуулж ирсэн бол Леди Гага өөрийнхөө тухай баримт киног үзүүлэхээр улаан хивс дээгүүр алхав.
Мөн энэ жилийн кино урлагийн гол дуулиан болоод буй Даррен Аранофскигийн "Ээж" киноны гол дүрийг бүтээсэн "Оскар"-ын эзэн Женнифер Лоуренс, 51 настай ч 25-тай юм шиг харагдсан хэвээрээ байгаа Холли Берри, мөн Николь Кидман, Жессика Честейн, Кейт Уинслет, Мэтт Дэймон, Жеймс Франко, Бенедикт Камбэрбэтч, Жейк Жилленхоол, Хавьер Бардем нарын одод TIFF-ийн улаан хивс дээгүүр алхам.
TIFF-ийн гол онцлог нь тусгай шүүгчидгүй, үзэгчид өөрсдөө шүүгчид болж, саналаа өгсөнөөр ялагч тодордог юм.
М.Болджин
Сэтгэгдэл (0)
Сэтгэгдэл бичигдээгүй байна