НБЭ – ийн комиссар Адам Силвер зүүн гарандаа бэртэл авч бүх оддын тоглолтод оролцох боломжгүй болсон Кэвин Лавыг орлох хүнийг сонголоо. Тэрээр Миами Хит багийн хамгаалагч Горан Драгичийг сонгожээ.
Горан Драгич өмнө нь бүх оддын тоглолтод оролцож байгаагүй бөгөөд энэ жил анх удаа бүх оддын тоглолтод ЛэБрон Жэймсийн багт тоглохоор болж байна. Тэрээр энэ улиралд 17.0 оноо, 4.8 оновчтой дамжуулалт, 4.1 самбараас бөмбөг авалт дунджилж байгаа бөгөөд баг нь 29 хожил, 22 хожигдолтой улирлыг үргэлжлүүлж байгаа юм.
Ихэнх хүмүүс Кэвин Лавын оронд Бэн Симмонс(16.7 оноо, 7.8 самбараас бөмбөг авалт, 7.3 оновчтой дамжуулалт), Блэйк Гриффин(22.6 оноо, 7.9 самбараас бөмбөг авалт), Кэмба Уолкер(22.4 оноо 5.8 оновчтой дамжуулалт) нарыг бүх оддын тоглолтод оролцоно хэмээн таамаглаж байсан билээ.
Энэ улиралд бүсийнхээ дөрөв дүгээр байранд бичигдэж байгаа Миами Хит багийн амжилтын гол түлхүүр нь мэдээж Горан Драгич. Тиймээс ч комиссар Адам Силвер хувийн үзүүлэлтээс багийн амжилтыг илүүд үзэж Горан Драгичийг сонгосон ажээ
Сэтгэгдэл (0)
Сэтгэгдэл бичигдээгүй байна