Голден Стэйт Уорриорс баг 2017 оны аваргын баяраа энэ долоо хоногт тэмдэглэхээр болжээ. Уорриорс багийнхан Кэвин Дурантын төрөлх хотын оюутнуудын хамтаар Вашингтон хотод байрлалтай Африк Америк түүхийн музейд зочлохоор болсон байна.
Тэд цагаанд ордонд зочлох Доналд Трампын урилгаас татгалзан музей үзэж сонирхохоор болж байгаа нь энэ ажээ. Энэхүү үйлдэл нь мэдээж Доналд Трампын бодлогыг эсэргүүцэж буй эсэргүүцлээ илэрхийлж буй нэг хэлбэр юм.
Уорриорс багийн хамгаалагч Клэй Томпсон "Цагаан ордонд зочлох нь нэр төрийн хэрэг. Гэсэн ч тодорхой шалтгаануудын улмаас бид энэ жил цагаан ордонд зочлохгүй байхаар шийдсэн. Бид нар хэт их улс төржмөөргүй байна. Зүгээр л сурагчдад Африк Америк түүхийн талаар тодорхой хэмжээний ойлголт өгөхийг хүссэн юм" гэж хэлжээ
Сэтгэгдэл (0)
Сэтгэгдэл бичигдээгүй байна