Багшийн дээдэд байрлалтай Сонор сургалтын төвд суралцсан ч гэрчилгээгээ авч чадахгүй байна гэсэн иргэдийн гомдлын дагуу бид сурвалжилга бэлдэн ажилласан юм. Гэтэл Сонор сургалтын төв нь сургалт явуулах эрхгүй, өөрөөр хэлбэл Хөдөлмөр нийгмийн хамгааллын яаманд бүртгэлгүй байсан байна. Үсчин, гоо сайхан, гар утасны засвар зэрэг мэргэжил олгох сургалт явуулах эрхийг ХНХЯ-д бүртгүүлэн, зохих шаардлагыг хангаснаар сургалтын эрхтэй болох ёстой. Сургалт явуулах эрхгүй байна гэдэг нь иргэдэд хичээл заасан ч гэрчилгээ олгох боломжгүй гэсэн үг юм. Гэтэл Сонор сургалтын төвд нь ХНХЯ-д бүртгэлтэй, сургалтын эрхтэй хэмээн зар тарааж иргэдийг залилан мэхэлж байгааг бид сурвалжлагаараа ил болгосон юм. \Сонор төвийн захирал гэх эмэгтэй "Манай төвд сургалтын эрх байгаа гэсний дагуу бид ХНХЯ-ны мэргэжлийн боловсрол олгох газар хариуцсан мэргэжилтэн Б.Эрдэнэбатаас тодруулахад "Сонор" гэх сургалтын төв манай яаманд бүртгэлгүй байна гэсэн хариултыг өгсөн юм. Сургалт явуулах эрхгүй энэ мэт төвүүд иргэдийг залилан мэхэлж байгааг иргэд анхаарч, хянамгай хандах шаардлагатай байгаа юм.
Сэтгэгдэл (0)
Сэтгэгдэл бичигдээгүй байна