Өнөөдөр өглөөний үүрийн 6 цаг орчимд 100 айлын автобусны буудлын баруун талд байрлах "Нарлаг" цайны газрын хажууд 30-40 орчим насны эрэгтэй хүнийг духан тус газарт нь буудсан хэрэг гарлаа. Дээрх хэргийн мэдээлэл цагдаагийн байгууллагад өглөөний 6 цагт иргэнээс ирсэн аж.Уг хэрэг Нийслэлийн Сүхбаатар дүүргийн нэгдсэн эмнэлгийн урд талын цайны газрын орчим буюу автобусны буудлын баруун талд болжээ. Хэргийн газарт очиж ажилласан мөрдөгч нарын хэлж буйгаар амь хохирогч 30-40 настай эрэгтэйн гараас сумны дарь илэрсэн гэх ба өөрийгөө буудсан байж болзошгүй нөхцөл байдал илэрсэн гэв. Одоогоор хэргийн газраас шаардлагатай гэх бүх нотлох баримтуудыг бэхжүүлэн авч, хэрэгт хавсаргасан байна. Улмаар талийгаачийн цогцсыг Шүүх эмнэлгийн шинжилгээний үндэсний төв рүү хүргүүлсэн бөгөөд задлан шинжилгээгээр согтууруулах ундааны зүйл хэрэглэсэн байсан эсэх нь тогтоогдох юм байнаХэргийн газарт ЦЕГ-ын Мөрдөн байцаах албаны Онц хүнд гэмт хэрэгтэй тэмцэх тасгийн мөрдөгчид, Сүхбаатар дүүргийн цагдаагийн хоёрдугаар хэлтсийн жижүүрийн бүрэлдэхүүн үзлэг шалгалт хийж байна. Мөн гэрчүүдээс мэдүүлэг тайлбар авч эхэлсэн аж. Одоог хүртэл хэргийн газрын үзлэг шалгалт үргэлжилж байгаа тухай албанаас мэдээлж байна
Сэтгэгдэл (0)
Сэтгэгдэл бичигдээгүй байна