ТВ5 телевизийн удирдлагын баг "Максима"телевиз үзэлтийн судалгааны үр дүнтэй санал нийлэх боломжгүй, хэд хэдэн эргэлзээтэй зүйл байгаа учраас ийм шийдвэрт хүрч байна.
1. "Максима телевиз үзэлтийн нэгдсэн судалгаа" гэж тайлан гаргадаг боловч энэ нь зөвхөн Улаанбаатар хотын хэмжээнд байдаг. Гэтэл Монгол улсын хүн амын тал нь хөдөө орон нутагт амьдарч байна.
2. Дэлхийн өндөр хөгжилтэй улс оронд телевиз үзэлтийн судалгааны байгууллага бий. Гэхдээ судалгааны байгууллагад телевиз, төрийн байгууллага, зар сурталчилгаа олгодог аж ахуй нэгжүүдийн төлөөлөл багтаж судалгааны дүнд давхар хяналт тавьдаг. Мөн судалгаа явуулж буй айл өрхүүдийн тоог жил бүр нэмэгдүүлэх шатлалтай явагдаж дөрвөн жилийн дараа судалгаанд хамрагдах айл,өрхүүдээ сольдог байна. Мөн гадаад, дотоод аудитын шалгалт тогтмол орж судалгааны үр дүн үнэн эсэхийг нягталдаг нь олон улсын жишиг юм.
3. Максима судалгаа нийт 100 айлд16-24, 25-34, 35 аас дээш эрэгтэй, 35 аас дээш эмэгтэй гэсэн дөрвөн насын ангилалтай хийгддэг. Улаанбаатар хот 9 дүүрэгтэй гэж үзвэл нэг дүүрэгт 11 айл оногдоно. Харин 11 өрхөө дөрвөн насны ангилалд хуваахад гурван хүн судалгаанд хамрагдах юм. Өөрөөр хэлбэл нэг дүүргийн 16-24 насны залуусын юу үзэж байгааг гурван хүний телевиз үзэлтээр дүгнэх болж байгаад бид эргэлзэж байна.
Жишээ:Өнөөдөр үйл ажиллагаа явуулж буй олон телевиз өөр өөрийн гэсэн мэдээ мэдээлэл хүргэж, контент бэлтгэж байна. Гэвч аль нь өндөр рейтингтэй вэ гэдгийг харуулсан үр дүнд манай телевиз мөн л эргэлзэж байгаа юм. Тухайлбал 2018 онд ТВ5 Телевиз Пёнчаны өвлийн олимпийг дангаараа дамжуулсан. Уран гулгалтын эмэгтэй ганцаарчилсан төрөл дэлхийн нийтийн анхаарлыг татаж монголын үзэгчид ч шимтэн үзсэн. Гэтэл зөвхөн цэнхэр дэлгэцээр дамжуулсан энэ тэмцээн Максима судалгаанд нэг ч дурьдагдаагүй нь итгэхгүй байх том үндэслэл болж байна.
Сэтгэгдэл (0)
Сэтгэгдэл бичигдээгүй байна